UFC ұйымының медиа тобы Қазақстанға келіп, қазақстандық файтер Асу Алмабаев пен мексикалық жұлдыз Брэндон Морено арасындағы жекпе-жек қарсаңында промо-ролик түсіріп жатыр.
Darteam командасының Instagram парақшасындағы мәліметке сай, UFC өкілдері Алматыға арнайы ұшып келген.
Жарияланған ақпаратта UFC тобы Асу Алмабаев жайлы промо түсіретіні, бұл жұмыс UFC Fight Night турнирі қарсаңында жүргізіліп жатқаны, аталған кешті Алмабаев Мексика астанасында өтетін турнирде басты жекпе-жекке шығуы мүмкін екені айтылған.
Сондай-ақ Darteam бұл UFC-дің Қазақстанға үшінші рет келуі екенін атап өтті.
UFC бұл айқасты 8 қаңтарда ресми түрде жариялаған. Алмабаев пен Морено арасындағы кездесу:
Асу Алмабаев соңғы рет 22 қарашада Дохада (Қатар) өткен UFC Fight Night турнирінде америкалық Алекс Пересті мерзімінен бұрын жеңген.
Ал Брэндон Морено 7 желтоқсанда UFC 323 кешінде жапониялық Тацура Тайрадан уақытынан бұрын жеңіліп қалды.
Қазір UFC-дің ең жеңіл салмақ дивизионында Асу Алмабаев — 7-орында, Брэндон Морено — 5-орында тұр.
