Этникалық қазақ WBA белбеуін иеленді

Golden Boy кешіндегі титулдық айқас

Абдуллаев АҚШ-тың Калифорния штатындағы Палм-Дезерт қаласында өткен Golden Boy Promotions ұйымдастырған бокс кешінде жұдырықтасты. Оның қарсыласы Уругвай өкілі Эдуардо Хавьер Абреу болды.

Жекпе-жек бірінші жартылай орта салмақта өтті. Кездесудің басты сыйы WBA Continental Gold белбеуі еді. Айқас 8 раундқа жоспарланғанымен бәрі 5-раундта аяқталды.

Кездесу барысында Руслан Абдуллаев қарсыласын екі мәрте нокдаунға түсіріп, кейін 5-раундта нокаутпен нүкте қойды.

Абдуллаевтың рекорды жаңарды

Осы жеңістен кейін Абдуллаев кәсіпқой бокстағы көрсеткішін 4 жеңіс/0 жеңіліс деңгейіне жеткізді, оның 2 кездесуі нокаутпен аяқталған.

Ал Эдуардо Хавьер Абреу кәсіпқой мансабында екінші рет жеңілді. Бұған дейін оның еншісінде 14 жеңіс және 2 тең нәтиже болған.

Руслан Абдуллаевтың әуесқой рингтегі жолы да жарқын. Ол Өзбекстан құрамасы сапында:

• 2022 жылы Азия чемпионы,
• 2023 жылы әлем чемпионы атанған.

Айта кетейік, Өзбекстан ұлттық құрамасының бас бапкері Тулкин Киличев Абдуллаевтың әлеуетін жоғары бағалап, оны жаңа "бокстың королі" деп атаға.