Netflix мексикалық бокс жұлдызы, төрт салмақта чемпион атанған Сауль "Канело" Альварес туралы толықметражды деректі фильм дайындап жатқанын хабарлады. Жоба негізгі назарды қазақстандық Геннадий Головкинмен өткен атақты трилогияға бұрмақ.
Фильмнің продюсері ретінде NBA супержұлдызы Стефен Карри негізін қалаған Unanimous Media компаниясы аталады. Бұл продакшн "Канелоның" мансабындағы ең маңызды шайқастардың бірі ретінде GGG-пен текетіресті арнайы атап өткен.
Режиссерлік орынға Хуан Камило Крус бекітілгені айтылады. Премьераның нақты күні әзірге жарияланған жоқ.
Деректі фильм өзегіне айналатын қарсыласу — Канело мен Головкиннің үш мәрте жолығуы:
Канело Netflix-пен бұрын да жұмыс істеген: "Countdown: Canelo vs. Crawford" жобасы жекпе-жек алдында платформадан шыққан еді.
Ал Канело — Теренс Кроуфорд айқасы Netflix-те тікелей көрсетіліп, сервистің өз дерегінше 41 млн-нан аса көрермен жинаған.
Қазір 43 жастағы Геннадий Головкин 2022 жылдан бері рингке шыққан жоқ. 2025 жылдың қарашасында ол World Boxing ұйымының президенті болып сайланды.
Альварестің келесі жекпе-жегі 2026 жылдың 12 қыркүйегіне жоспарланғаны хабарланып отыр. Ол "Mexico vs. The World" атауымен өтетін кардтың басты оқиғасы болуы тиіс. Қарсыласының есімі әзірге құпия сақталуда.
