Австрияның Линц қаласында дзюдодан әлемдік Гран-при кезеңінде екі қазақстандық қола медаль үшін өзара белдесті.
60 келіге дейінгі салмақ дәрежесіндегі қола жүлде үшін белдесуде Шерзод Давлатов пен Аман Бақытжан татамиге шықты. Қазақстандық жанкүйерлер назарын аударған бұл қарсыласуда Давлатов айқын басым түсті.
Ол белдесудің бастапқы сәттерінде-ақ қарсыласын иппон әдісімен жеңіп кетті.
Шерзод Давлатов турнир барысында бірнеше мықты қарсыласты жолынан тайдырды. Ол алғашқы белдесулерінде словениялық Давид Старкелді, израильдік Ариэль Шульманды және жапониялық Рецу Мацунагуды жеңді.
Бірақ жартылай финалда украиналық Дильшот Халматовқа есе жіберіп, финалдан тыс қалды.
