Жекпе-жек қазақстандық файтер Арли Әлиев пен қырғызстандық Максим Павлов арасында болған еді.
Қазақстандық файтер Арли Әлиев пен қырғызстандық Максим Павлов арасындағы жекпе-жек Naiza Jekpe-Jek турнирінде жанжалмен аяқталды.
Кездесу барысында қырғызстандық спортшы қарсыласын партерде басымдықпен ұстап, бірнеше ауыр соққы жасап, шабуылын күшейтті. Сол сәтте төреші араласып, Максим Павловтың техникалық нокаутпен жеңіске жеткенін жариялады.
Алайда төрешінің шешімімен Арли Әлиев келіспеді. Жекпе-жек аяқталғаннан кейін қарсыласы жеңісін атап өтіп жатқан кезде, қазақстандық файтер тұтқиылдан шабуыл жасап, кездесуді жалғастыруды ұсынды.
Төрешілер мен ұйымдастырушылар араласып, жағдайды бақылауға алды. Нәтижесінде үлкен жанжалдың алдын алу мүмкін болды.
Көп ұзамай екі спортшы эмоцияларын басып, бір-бірімен қол алысып, құшақтасты. Осылайша оқиға аяқталды.
Naiza FC өкілдері жекпе-жек өте тартысты өткенін атап өтті.
"Бұл кездесуде керемет камбэк болды. Арли Әлиев бастапқыда жекпе-жектің қарқынын бақылап, басымдық танытты. Бірақ Максим Павлов бір дәл әрі ауыр соққы арқылы жағдайды өзгертіп, жеңіске жетті, – деп хабарлады ұйым.
