Әлем чемпионымен айқас. Нұртас Әжбенов салмақ өлшеуден сәтті өтті

Қазақстандық кәсіпқой боксшы Нұртас Әжбенов (14-1, 4 KO) Санкт-Петербургте  өтетін кәсіби бокс кеші қарсаңында ресми салмақ өлшеу рәсімінен сәтті өтті.

Аталған шарада қазақстандық спортшы мен оның қарсыласы ресейлік Илья Попов (3-0, 1 KO) 61,2 килограмм көрсетіп, жеңіл салмақтың белгіленген лимитіне толық сәйкес келді.

Жекпе-жек сегіз раундқа жоспарланған және ол IBA.PRO 15 кәсіби бокс турнирі аясында өтеді.

Жекпе-жек Санкт-Петербургте өтеді

Турнир Санкт-Петербург қаласында ұйымдастырылады. Кездесу ертең өтеді. Ол осы кештің басты жекпе-жектерінің бірі болады.

Попов — Ресей құрамасының мүшесі және 2025 жылы Дубайда өткен IBA әлем чемпионатының алтын жүлдегері.

Нұртас Әжбенов — WBC Asia белбеуінің иегері

Нұртас Әжбенов қазіргі уақытта WBC Asian Continental нұсқасы бойынша жеңіл салмақтағы чемпион саналады.

Қазақстандық боксшы соңғы жекпе-жектерінде айтарлықтай жақсы нәтиже көрсетіп келеді:

• 2025 жылдың тамызында Қанат Өзбекбаевты 84 секундта нокаутпен жеңіп, чемпиондық белбеуін қорғады;
• 2025 жылдың ақпанында Астанада өткен жекпе-жекте өзбекстандық Асадбек Мамаджоновты төрешілер шешімімен жеңді.