Әлем және Азия чемпионатының күміс жүлдегері Дулат Бекбауов 67 келіге дейінгі салмақта тәжікстандық Шукрат Саломатовтың мысын басты.
Үш раунд ширақ қимылдаған Дулат қарсыласының алдын орап кетіп отырды. Бірінші раундта 5:0, екінші және үшінші кезеңде 4:1 есебі тіркелгенімен, жекпе-жек қорытындысында төрешілер жеңісті түгелдей Дулатқа берді, деп жазады Қазақпарат.
Осылайша Дулат Бекбауов Қазақстан ерлер құрамасынан төртінші болып финалға шықты.
