Минскте үш дүркін Олимпиада чемпионы Александр Медведь атындағы еркін күрестен халықаралық турнир аяқталды.
Үш күнге созылған жарыс қорытындысы бойынша Қазақстан құрамасы екі жүлдеге ие болды.
65 келіге дейінгі салмақта Әділ Оспанов күміс, ал 125 келі салмақта Серік Бақытханов қола медаль жеңіп алды.
Оспанов финалда Эльдар Ахмадудиновпен кездесіп, 4:7 есебімен жеңіліс тапты. Ал Бақытханов жұбаныш белдесуінде Магомед Магомедовтен 4:3 есебімен басым түсті.
Қос қазақстандық балуанның қарсыластары дағыстандық спортшылар болды.
