Дүниежүзілік аралас жекпе-жек қауымдастығы (ITA) қазақстандық екі әлем чемпионының қанынан тыйым салынған мельдоний препараты анықталғанын хабарлады.
Допингпен ұсталған спортшылардың бірі – Айдын Төлепбай. Бұрынғы полицей, 79 кг салмақ дәрежесінде аралас жекпе-жектен әлем чемпионы атанған.
Сонымен қатар 72,6 кг салмақ дәрежесінде өнер көрсететін Зейнеп Оразхан да мельдоний қолданғаны үшін айыпталып отыр. Ол да өз чемпиондық атағын Джакартада (Индонезия) өткен жарыста жеңіп алған.
Қазір Толепбай мен Оразханның спорттан шеттетілу мерзімі белгісіз. Олардың жарыстарға қатысу мүмкіндігіне қатысты соңғы шешімді тиісті спорттық ұйымдар қабылдайды.
