Қазақстандық UFC файтері Асу Алмабаев АҚШ-тағы жекпе-жегінен кейін елге оралды.
2 наурыз күні Лас-Вегаста (АҚШ, Невада штаты) өткен UFC Fight Night 253 турнирінің басты оқиғасында Асу Алмабаев португалиялық Манель Капемен кездесті. Үшінші раундта португалиялық файтер Асу Алмабаевтың көзіне байқаусызда саусағымен тигізіп, жекпе-жек техникалық нокаутпен аяқталды.
Дархан Оспанов жетекшілік ететін Darteam.kazakhstan командасы Алмабаевтың UFC-дегі жекпе-жегі оның мансабындағы маңызды тәжірибе және үлкен қадам болғанын атап өтті:
"Асу Алмабаев UFC-дегі жекпе-жегінен кейін елге оралды. Жекпе-жек нәтижесіне қарамастан, бұл – оның мансабындағы құнды тәжірибе мен жаңа деңгейге өтуге жасалған қадам", – деп жазды команда Instagram парақшасында.
Асу Алмабаев үшін бұл жеңіліс оның дамуына ықпал ететін маңызды кезеңдердің бірі. Қазақстандық файтер енді қателіктермен жұмыс істеп, UFC-дегі болашақ айқастарына дайындалмақ.
