Америкалық бұрынғы кәсіпқой боксшы Карсон Джонс 38 жасында өмірден өтті.
USBA, NABA және WBC Continental Americas нұсқалары бойынша бұрынғы чемпион Джонс тамақтағы ахалазия (сирек кездесетін жұтыну бұзылысы) диагнозына байланысты жасалған операциядан кейінгі асқынулар салдарынан қайтыс болды.
Ол кәсіпқой мансабында 65 жекпе-жек өткізіп, 44 рет жеңіске жетті (оның 32-сін нокаутпен аяқтады).
Соңғы рет 2023 жылы Джеймс Уорренді екінші раундта нокаутқа түсірген.
Карсон Джонс өз дәуірінің үздік боксшыларымен, соның ішінде қазақстандық Геннадий Головкин, мексикалық Сауль "Канело" Альварес және америкалық Теренс Кроуфордпен бірге спаррингтік жаттығулар өткізген.
Latinus.us мәліметінше, Джонс әлемдік деңгейдегі боксшылардың дайындық лагеріне жиі шақырылған тәжірибелі серіктес болған.
