Руслан Абдуллаев кәсіпқой бокстағы алғашқы жекпе-жегінде қарсыласын нокаутқа түсірді.
Өзбекстан атынан сынға түсетін этникалық қазақ Руслан Абдуллаев кәсіпқой бокстағы дебютін сәтті өткізді.
Абдуллаев АҚШ-тың Индио (Калифорния) қаласында өткен Golden Boy және DAZN промоутерлік кешінде алғаш рет кәсіпқой рингке шықты.
Оның қарсыласы – 36 жастағы мексикалық Хосе Валенсуэла Альварадо (3-20-1, 2 KO) болды. Жекпе-жек төрт раундқа жоспарланғанымен, екінші раундта Руслан Абдуллаев қарсыласын нокаутқа түсіріп, кездесуді уақытынан бұрын аяқтады.
Абдуллаев – тәжірибелі әуесқой боксшы. Ол Өзбекстан құрамасы сапында Азия және әлем чемпионы атанған.
2019-2020 жылдары Қазақстанның жастар құрамасына қосылуға тырысты. Бірақ пандемияға байланысты Өзбекстанға қайта оралуға мәжбүр болды.
