Шара Буллет пен UFC-дің үздік файтерлерінің бірі октагонда жолығуы мүмкін.
Орта салмақта UFC белдесуіне үміткер болған итальян Марвин Веттори «Дағыстандық қазақ» атанып кеткен Шарабутдин Магомедовпен (Шара Буллет) жекпе-жек өткізуге келісім берді.
«Шара, мен ұсынысты қабылдадым», – деп жазды Веттори өзінің X (бұрынғы Twitter) парақшасында.
Бұл мәлімдеме бірден жанкүйерлер арасында қызу талқыға түсті.
Еске салайық, Марвин Веттори биыл наурызда грузиялық Роман Долидзеге төрешілердің бірауыздан шығарған шешімімен жеңілген.
Шара Буллет болса ақпанда алғашқы жеңілісіне ұшырап, Майкл Пейджге жол берген еді. Енді екеуінің айқасы расымен өтсе, бұл UFC жанкүйерлері үшін аса тартысты кездесу болмақ.
