Малайзияның Мелака қаласында өткен жолдастық кездесуде Уругвай құрамасы Өзбекстаннан 2:1 есебімен басым түсті.
Уругвай сапынан Факундо Торрес пен Хуан Санабрия мергендігімен көзге түсті. Ал өзбекстандықтардан жалғыз голды Русланбек Жиянов соқты.
Бұл екі құрама тарихтағы үшінші рет кездесіп отыр. Бұған дейін 2018 және 2019 жылдары өткен матчтарда да Уругвай айқын жеңіске жеткен. Екі ойында да есеп 3:0 есебімен тіркелген.
Айта кетсек, Өзбекстан ұлттық құрамасы өз тарихында алғаш рет 2026 жылғы әлем чемпионатына жолдама алған болатын. Алдағы мундиаль АҚШ, Канада және Мексика елдерінде өтеді.