"Барселонаның" вундеркинды Ханси Фликке өкпелі
«Барселона» қайтадан «Ла Масияның» жаңа өрлеуін бастан өткеріп жатыр — команданың негізгі құрамында Ламин Ямаль, Пау Кубарси, Алехандро Бальде, Марк Касадо сияқты тәрбиеленушілер тұрақты ойнап жүр. Алайда барлық жас ойыншыларға негізгі командаға жол ашыла бермейді.
El Nacional басылымының хабарлауынша, клубтың 18 жастағы жартылай қорғаушысы, академия түлегі Хуан Эрнандес қаңтар айында командадан кету мүмкіндігін талқылау үшін президент Жоан Лапортамен кездесуді сұраған.
Флик мүмкіндік бермеді
Эрнандес 2007 жылғы буынның ең дарынды ойыншыларының бірі болып саналады. Өткен маусымда ол жастар командасына тарихи «требл» жасауға көмектесті, оның ішінде UEFA Youth League-дегі үшінші жеңіс те бар. Алайда бас бапкер Ханс-Дитер Флик оған бірінші командада дебют жасауға бірде-бір мүмкіндік бермеген.
Құрамнан шығарылды
Испан ойыншысы маусым алдындағы дайындықты негізгі құраммен бастаған, бірақ Азия турына дейін тізімнен алынып тасталды және қазір Сегунда RFEF лигасында ойнайтын «Барселона Атлетик» сапында өнер көрсетіп жүр. Ол команда көшбасшыларының бірі саналады.
Ақпарат көзіне сүйенсек, Эрнандес өз деңгейінің жоғары екенін және тұрақты түрде ойын тәжірибесін ала алатын клубта карьерасын жалғастырғысы келетінін мәлімдеген.