Британдық сарапшы және All Things Sky Blue подкастының жүргізушісі Гленн Уоткин «Ковентри Ситидің» «Қайрат» жартылай қорғаушысы Азамат Туяқбаевқа қызығушылығын заңды құбылыс деп санайды. Оның айтуынша, жас ойыншының техникасы мен батылдығы ағылшын футболына сай келеді.
Британдық сарапшы және All Things Sky Blue подкастының жүргізушісі Гленн Уоткин өз пікірінде «Ковентри Ситидің» Азамат Туяқбаевқа қызығушылығы таңқаларлық емес екенін айтты.
«Азамат өте әсерлі көрінеді. Маған оның доппен жұмыс істеу кезіндегі сабырлылығы ұнайды, сондықтан қызығушылық орынды. Әзірге Туяқбаев тәжірибесіздеу, бірақ „Спортингтің“ қосалқы құрамында және „Реалға“ қарсы ойындағы жанқиярлығы оның әлеуетін айқын көрсетеді. Ол техникалы, шапшаң және шабуыл аймағында тәуекелге барудан қорықпайды», — деді Уоткин.
Сарапшының айтуынша, Тараздың 18 жастағы тумасы Англияда да өз орнын таба алады.
«Әрине, Чемпионшип — үлкен секіріс болар еді: мұнда жүктеме мен талаптар мүлде басқа. Бірақ жаттықтырушының көмегімен және тұрақты ойын тәжірибесі болса, Туяқбаев бейімделіп кетер еді. Оның ойыны түсінікті, ал шешім қабылдаудағы батылдығы ағылшын футболында өте маңызды. Қазір негізгі құрам туралы айту ерте, бірақ болашақта — неге болмасын?» — деп қосты ол.
Басылымның мәліметінше, Чемпионшиптің бірінші командасының скауттары Туяқбаевқа Жасөспірімдер арасындағы Чемпиондар лигасында «Спортингке» қарсы (2:3) ойынынан кейін назар аударған. Сондай-ақ ол ҚПЛ аясында «Жетісудың» қақпасына гол соққан (5:0). Жас футболшының «Қайратпен» келісімшарты биылғы жылдың соңына дейін жарамды.
