Қазақстан Универсиада ойындарында 12-ші медаль жеңіп алды
22.01.2025, 15:38
Биатлоншы Кирилл Бауэр Туриндегі ойындардың қола жүлдегері атанды.
фото ашық дереккөздерден алынды
Бауэр 15 шақырымдық масс-стартта мәре сызығын үшінші қиды. Алтын медаль франциялық Натанаэль Пекеннің еншісіне бұйырса, швециялық Карл Грёнланд күміспен күптелді.
Өзге қазақстандық биатлоншылар келесідей нәтиже көрсетті: Вадим Куралес — алтыншы, Никита Акимов — жетінші, Ержанат Қуандық — 19-шы.
Қазір Қазақстан қоржынында үш алтын, төрт күміс және бес қола медаль бар.