Сәбина Алтынбекованың клубы ірі жеңіліске ұшырады
Қазақстандық волейболшы Сәбина Алтынбекова капитандық ететін Индонезияның Про-лига чемпионатындағы "Yogya Falcons" клубы кезекті матчында ойсырай жеңілді.
“Yogya Falcons” командасы “Гресика Петрокимиа” клубына қарсы өткен кездесуде 0:3 есебімен жеңілді. Осылайша, 11 турдан кейін қазақстандық спортшы ойнайтын команда турнир кестесінің соңғы орнынан көтеріле алмады.
Айта кетейік, Сәбина Алтынбекова кәсіби спортқа 2022 жылдың желтоқсанында оралды. Ол Біріккен Араб Әмірліктерінің “Аль-Васл” клубының намысын қорғаған. Спорттық мансабындағы үзілісі отбасылық жағдайлармен байланысты болған.
Ад 2024 жылдың қазан айында Сәбина Алтынбекова Индонезияның “Yogya Falcons” командасымен келісімшартқа қол қойды. Араға екі ай салып, желтоқсан айында ол клубтың капитаны болып тағайындалды.