Бразилия құрамасының шабуылшысы және "Семея" футзал клубының жұлдызы Феррао дисквалификацияға ұшырауы мүмкін.
Ферраодан допинг-сынама былтыр қазан айында Өзбекстанда өткен әлем чемпионатында алынды. Сол кезде сынама оң нәтиже көрсеткен. Содан футзалшы отанына шұғыл оралып, желтоқсан айының ортасынан бастап ағымдағы келісімшартына қарамастан “Семей” құрамында ойындарға қатысқан жоқ.
Өткен әлем чемпионатында Бразилия құрамасы чемпион атанып, Феррао команданың негізгі ойыншылардың бірі болды.
Тәжірибелі бразилиялық ойыншы бұрын әлемге танымал “Барселона” сапында өнер көрсетті. 2018/19, 2020/21 және 2021/22 жылдары Испания чемпионы болды. Екі мәрте Чемпиондар лигасын жеңіп, үш рет әлемнің үздік ойыншысы (2019, 2020, 2021) атағына ие болды. Сонымен қатар, кейбір дереккөздер Ферраоны Қазақстан футзал чемпионатында ең жоғары жалақы алатын ойыншы ретінде атап көрсетеді.
