Қазақстанның жұптық сындағы көшбасшысы Анна Данилина сербиялық Александра Круничпен бірге Дохада өткен WTA 1000 санатындағы турнирдің чемпионы атанды.
Финалда дуэт керемет камбэк жасап, тайваньдық Се Шувэй мен латвиялық Елена Остапенконы тізе бүктірді.
Данилина/Крунич алғашқы сетте 0:6 есебімен ойсырай ұтылғанымен кейінгі екі бөлікте мінез көрсетіп, жеңісті жұлып алды
Анна Данилина / Александра Крунич — Се Шувэй / Елена Остапенко 0:6, 7:6, 10:8
Бұл нәтиже жұптық теннистегі ең қиын сценарийлердің бірі — "құрғақ" сеттен кейін қайта тұрып жеңудің нақты үлгісі болды.
Бұл титул Данилинаның жұптық рейтингтегі позициясын нығайта түсетіні анық. Қазір ол WTA-ның ресми тізімінде жұптық сында 10-орында тұр.
Турнирдегі чемпиондық ұпайлар есептелгеннен кейін алдағы ресми жаңартуда жоғары көтерілуіне мүмкіндік бар.
Дохадағы WTA 1000 турнирінің жалпы жүлде қоры 4 088 211 доллар болды.
Ал жұптық сындағы чемпион атанған қос теннисшінің әрқайсысы 195 000 доллардан сыйақы алды.