Бүгін еліміздің үздік теннисшісі финалдық жолдама үшін әлемнің алтыншы ракеткасына қарсы ойнайды.
Нидерландының Роттердам қаласында беделді ATP 500 санатындағы ABN AMRO Open турнирі жалғасып жатыр. Дода 9–15 ақпан аралығында өтіп, әлемнің үздік теннисшілері жүлде үшін таласуда. Биылғы турнирдің жалпы жүлде қоры 2 462 660 еуроны құрайды.
Қазақстандық Александр Бублик (ATP рейтингінде 10-орын) жарыстың жартылай финалында кортқа шығып, финал жолдамасын сарапқа салады. Оның қарсыласы — әлемдік рейтингте 6-сатыда тұрған канадалық Феликс Оже-Альяссиме. Екі теннисші де маусымды жоғары деңгейде өткізіп келеді, сондықтан тартысты әрі қызықты матч күтілуде.
Кездесу Қазақстан уақыты бойынша сағат 23:30-да басталады. Матчты тікелей эфирде осы сілтеме арқылы көруге болады.
Бублик үшін бұл матч финалға шығу ғана емес, ATP рейтингіндегі позициясын нығайту тұрғысынан да маңызды болмақ. Ал Оже-Альяссиме турнирдегі фавориттердің бірі саналады.
