Бокстан Таиланд астанасы Бангкокта өтіп жатқан U22 және жастар арасындағы Азия чемпионатында Нұрислам Қалдыбаев кезекті жеңіске жетті.
60 келі салмақ дәрежесінде жұдырықтасқан Қалдыбаев ширек финалда қырғыз боксшысы Азизбек Ходжаевты төрешілердің бөлек шешімімен жеңді. Бұл нәтиже оған жартылай финалға жолдама беріп, кем дегенде қола медальді қамтамасыз етті.
Айта кету керек, Нұрислам турнирді өте сәтті бастады. Ол алғашқы кезеңде Оңтүстік Корея боксшысы Сён Хун Юды айқын басымдықпен жеңіп шыққан.Қазақ спортшысы қарсыласын үш рет нокдаунға түсіріп, төреші үшінші раундта кездесуді тоқтатуға мәжбүр болды.