Боксшы Ақбота Есімбекова Азия чемпионатындағы жекпе-жегін әсерлі жеңіспен аяқтады.
Ақбота 65 келіге дейінгі салмақ дәрежесінде ширек финалда Қырғызстан өкілі Айпери Адылбековамен қолғап түйістірді. Жекпе-жек бірінші раундта-ақ аяқталды. Төреші кездесуді тоқтатуға мәжбүр болды. Себебі қырғыз боксшысы екі рет нокдаунға түсті.
Есімбекова айқын басымдықпен жеңіске жетіп, жартылай финалға жолдама алды. Бұл нәтиже оған кем дегенде қола медальді қамтамасыз етеді. Ал Айпери Адылбекова жарыстан шығып қалды.