Қазақстандық чемпион қарсыласын нокаутқа жіберіп медаль еншіледі (ВИДЕО)
Бангкоктағы World Boxing ұйымының ұйымдастыруымен алғаш рет өтіп жатқан жастар арасындағы Азия чемпионатында қазақстандық боксшылар сәтті өнер көрсетуде. U19 санатындағы ширек финалдық жекпе-жектерде бірқатары жартылай финал жолдамасын сарапқа салды.
Төртүбектің таза жеңісі
60 келіге дейінгі салмақ дәрежесінде ел намысын қорғаған Әділет Төртүбек Қытай Тайбэйі өкілі Шэн Чи Куомен жұдырықтасты. Қазақстандық боксшы жекпе-жекті үшінші раундта мерзімінен бұрын аяқтап, жартылай финалға жолдама алды.
Төртүбек қарсыласын екі мәрте нокдаунға түсірді, содан кейін рефери жекпе-жекті тоқтатуға мәжбүр болды. Бұл жеңіс Әділетке кемінде қола медальді қамтамасыз етті.
Жас чемпионның жеңіс жолы
Айта кетейік, Әділет Төртүбек 2025 жылдың мамырында Шри-Ланкада өткен Азия чемпионатында (U19 және U22) IBA мен ASBC ұйымдастырған турнирде алтын медаль алған. Ол – жастар арасындағы құрлықтық додаларда тұрақты нәтиже көрсетіп келе жатқан таланттардың бірі.