Александр Усик Жәнібек Әлімханұлының жаттығуына қосылды

Украиналық жұлдыздың қолдауы

Жәнібек әлеуметтік желіде жариялаған бейнежазбасында Усиктің жаттығу процесіне белсене араласып, тәжірибесін бөліскені көрсетілген. Кадрларда украиналық чемпионның қазақстандық боксшының спаррингі кезінде эмоциясын жасырмағаны байқалады.

Усиктің сөзінше, басты мақсат – атақ пен байлық емес, ел мен әулеттің абыройын асқақтату:

«Ақша – нәтиже ғана, ол бәрібір келеді. Бірақ ең үлкен мақсат – белбеулер мен елді, өзіңді, әулетіңді даңққа бөлеу. Мұнда үлкен команда бар, олар да соған лайық. Еңбек етуіміз қажет.

Жолға шыққан адам діттеген жеріне жетеді. Біз кейде асығамыз, бірақ бәрі Құдайдың уақытында. Жеңіс те – Жаратқаннан. Біз дайындала аламыз, бәрін істей аламыз, бірақ соңғы шешімді Алла береді».

Әлімханұлының техникасына баға

Жаттығу кезінде Усик Жәнібектің рингтегі қимылын жоғары бағалап, нақты кеңестерін айтты:

«Спарринг ерекше өтіп жатыр. Жәнібек бәрін байқайды, бәрін орындайды. Алдыңғыдан кейін баспен шығып, не тура, не жанама соққы жаса. Қарсыластың қолы көтеріледі, сен осы арада шабуылдауың керек. Өте ақылды, жарайсың!»

Бұған дейін Жәнібек Әлімханұлы жақын арада үлкен жекпе-жек жарияланатынын мәлімдеген. Сонымен қатар, оның WBC чемпионы Карлос Адамеспен біріктіруші айқасқа қатысты келіссөздер жүргізіп жатқаны белгілі болды.