Аса ауыр салмақ дәрежесінде өткен жекпе-жек Таиландта өтті. Отандасымыз 11-ші жеңісін тойлады.
Аса ауыр салмақта өнер көрсететін қазақстандық боксшы Асхат Жантұрсынов Таиландтың Бангкок қаласында өткен бокс кешінде жарқын жеңіске қол жеткізді.
Асхат Жантұрсыновтың қарсыласы жергілікті боксшы Аписит Сангмуанг болды. Төрт раундқа жоспарланған айқас ұзаққа созылған жоқ.
Жекпе-жектің екінші раундында қазақстандық боксшы алдымен қарсыласын нокдаунға жіберіп, артынша апперкот соққысымен нокаутқа түсірді.
Бұл жеңістен кейін Асхат Жантұрсыновтың кәсіпқой бокстағы көрсеткіші 11 жеңіс, 1 жеңіліске жетті. Оның 10 жеңісі нокаутпен аяқталған.
Ал Аписит Сангмуанг үшін бұл 15-ші жеңіліс болды. Сонымен қатар, тай боксшысының еншісінде 22 жеңіс (оның 17-сі мерзімінен бұрын) және екі тең нәтиже бар.
Оқи отырыңыздар:
Себебі таңқалдырады! Олимпиада чемпионы бейәдеп сайттан аккаунт ашты
IEM Krakow 2026: Дастан Ақбаев бастаған Parivision топ жара ала ма?
"Нәтиже жаман емес": "Қайрат" ойыншысы "Арсеналға" қарсы ойынды бағалады