"7-20-25" бағдарламасы: баспана сатып алу үшін мүмкіндіктер көбейді

Ұлттық банктің мәліметінше, қауылға енгізілген өзгертулер мен толықтыруларға сәйкес:

• Астана, Алматы қалалары және олардың маңындағы, сондай-ақ Ақтау, Атырау, Шымкент қалаларында сатып алынатын баспананың ең жоғары құны 25 млн теңгеден 30 млн теңгеге дейін;
• Қарағанды қаласында 20 млн теңгеден 25 млн теңгеге дейін;
• басқа өңірлерде 15 млн теңгеден 20 млн теңгеге дейін көтеріледі.

Сондай-ақ қарыз алушыға төлем қабілетін растау үшін тең қарыз алушыны ғана емес, кепіл болатын адамды да тартуға мүмкіндік беріледі.

Ал кредиттік өтінімді қарау кезінде қарыз алушының кірісі тоқтаусыз жүргені маңызды шарт болады.

Бұл ретте ипотекалық тұрғын үй қарыздарының параметрлерi мен бағдарламаның талаптары өзгерiссiз қалып отыр.

"7-20-25" бағдарламасы 2018 жылы іске қосылды. Мақсат – 20 пайыздан басталатын бастапқы жарнасы бар жұмыс істейтін азаматтарды 25 жылға дейінгі мерзімге жылдық 7 пайыз жеңілдетілген мөлшерлемесімен қолжетімді ипотекамен қамтамасыз ету.

2025 жылғы 2 қазандағы жағдай бойынша бағдарлама аясында 1 149,7 млрд теңгеге 81 886 жеңілдетілген қарыз берілген.