Щучинск қаласында тұрғын үйге жапсарлас салынған бір қабатты кафеде газ-ауа қоспасы жарылып, өрт шықты. Оқиға орнына Ақмола облысы ТЖД күштері мен құралдары 5 минут ішінде жеткен.
ҚР Төтенше жағдайлар министрлігінің мәліметінше, өрт сөндірушілер жалын шарпыған ғимараттан 8 газ баллонын қауіпсіз жерге алып шығып, 10-нан астам адамды құтқарған.
Алдын ала дерек бойынша, оқиға салдарынан шамамен 20 адам зардап шегіп, 6 адам көз жұмған.
Ведомство хабарлауынша, өрт толық сөндірілген. Қазір құтқарушылар үйінділерді аршу жұмыстарын жүргізуде. Оқиғаның себептері мен мән-жайы анықталып жатыр.
Ақмола облысы ТЖД-да жедел желі іске қосылды:
8 (7162) 514-298
Оқиға орнында ТЖД басшылығы, облыс әкімінің орынбасары және барлық тиісті қызметтер жұмылдырылған. Оның ішінде өрт сөндіру есептоптары, құтқару бөлімшелері, медицина қызметі, полиция, газ-техникалық инспекция бар.
Сонымен қатар санавиация мен ТЖМ-нің реанимобильдері толық дайындыққа келтірілген.
