Танымал тележүргізуші әрі көпбалалы ана Мөлдір Мұқанова Халықаралық әйелдер күніне орай балалары жасаған ерекше тосынсыйды көрсетті.
Танымал әзілкеш әрі шоумен Тұрсынбек Қабатовтың бұрынғы жары Мөлдір Мұқанова Instagram парақшасында әсерлі видео жариялады. Онда балаларының 8 наурыз мерекесіне орай анасына ерекше сыйлық әзірлегені көрсетілген.
Бес баласы Мөлдірге үлкен ақ раушан гүлдерден жиналған алып себет тарту етіп, мерекелік көңіл күй сыйлады.
Қыздары гүл шоғын табыстап жатып:
"501 раушан. Сіз жақсы көретіндей — ақ раушандар", — деген.
Мұндай сыйлықты көрген Мөлдір Мұқанова қатты таңғалғанын жасырмады. Ол бұған дейін мұншалық көп гүл алып көрмегенін айтты.
Балалары әзілдеп:
"Біз азына келіспейміз", — деген.
Ал бақытқа бөленген ана бұл қалжыңды іліп әкетіп:
"Енді тек 502 раушан, 503 раушан ба?" — деп жауап қатқан.
Жылы атмосфераға толы видео әлеуметтік желі қолданушыларының ерекше ықыласына бөленді. Желіде жарияланған жазба қысқа уақыт ішінде 50 мыңға жуық лайк жинаған.
Оқырмандар да пікір қалдырып, Мөлдір Мұқанованың балаларына және олардың тәрбиесіне жоғары баға берді.
