Алтынай Жорабаеваның қызы тұрмыс құрғалы жатыр

Қазақстандық әнші Алтынай Жорабаеваның қызы тұрмысқа шыққалы жатыр. Бұл туралы әнші әлеуметтік желідегі парақшасында жазды.

"Көп нәрсе айтқым-ақ, жазғым да келіп тұр. Балаңның әрбір қуанышына ата-анасы мың есе қуанады. Тәтті шәй тәттілермен басталды. Ақ көңіл, адал ниетпен ақ дастархан басында бас қосып, болашақ құдаларымызбен таныстық", – деп жазды Жорабаева.

Әншінің айтуынша, осылайша өмірдің "құда-құдағи" деген асуы басталғалы жатыр.

"Әр белес , әр сәт - бақыт. Өсіріп отырған ұл-қыздарымыздың тек қызығын көруді нәсіп ет Аллаһым", - деп жазды әнші. 

Айта кетейік, актер Сәбит Әбдіхалықов пен әнші Алтынай Жорабаеваның ортақ төрт қызы бар. Екеуі 2017 жылы ажырасып кетті.