Александр Зверев "Үлкен дулығадағы" алғашқы титулына жақындап келеді
Францияның ашық чемпионатында ерлер арасындағы жекелей сында тағы бір сенсация болуы мүмкін. Янник Синнер екінші айналымда жарыстан шығып қалғаннан кейін турнирдегі басты фавориттердің бірі Александр Зверев жартылай финалға дейін жетті. Енді неміс теннисшісі мансабындағы алғашқы "Үлкен дулыға" титулын жеңіп ала ма? Бұл туралы Қазақстандағы ең танымал букмекерлік компаниялардың бірі – Olimpbet сарапшыларының болжамына сүйене отырып тарқатайық.
Якуб Меншик (Чехия) – Александр Зверев (Германия) Ролан Гаррос. Жартылай финал. 5 маусым, 17:30 (Астана уақыты)
Әлемнің үшінші ракеткасы Александр Зверев мансабындағы алғашқы "Үлкен дулыға" титулын жеңіп алуға бұрынғыдан да жақын тұр. Ол осыған дейін Ролан Гарростың жартылай финалына тек бір рет – 2024 жылы шыққан болатын. Olimpbet сарапшыларының пікірінше, биыл неміс теннисшісі бұл жетістігін қайталап, финалға жолдама алған алғашқы ойыншы атанады.
Чех сенсациясы: Меншиктің серпілісі
Биылғы Ролан Гаррос әйелдер мен ерлер арасындағы жарыста көптеген тосын нәтижелер сыйлады. Солардың бірі – 20 жастағы Якуб Меншик. ATP рейтингінде 27-орында тұрған чехиялық теннисші осыған дейін негізінен хардта мықты ойыншы ретінде танылған еді. Алайда Парижде ол өзін әмбебап спортшы ретінде көрсетті.
Меншик топырақтағы кортта жоғары төзімділік танытып, қуатты форхенд және бэкхенд соққыларымен ерекшеленді.
Турнир барысында ол рейтингте өзінен жоғары тұрған Алекс де Минаурды (0:6, 6:2, 6:2, 6:3) және Андрей Рублевті (6:3, 7:6 (8:6), 4:6, 2:6, 6:3) жеңіп, топырақта ұзақ матчтарда ғана емес, тактикалық тұрғыдан да қарсыластарынан басым түсе алатынын дәлелдеді. Ширек финалда Меншик Жоау Фонсеканы 6:4, 6:3, 7:6 (7:3) есебімен ұтып, жартылай финалға шықты.
Зверев қарсылас шақ келтірмей келеді
29 жастағы Александр Зверев қазір Ролан Гарростың басты фавориті саналады. Әлемнің екінші ракеткасы Карлос Алькарас турнирге қатыспаса, рейтинг көшбасшысы Янник Синнер екінші айналымда жарыс жолынан шықты. Неміс теннисшісінің турнирлік жолы да салыстырмалы түрде жеңіл болды. Тек үшінші айналымда ғана ол әлемнің үздік 90 ойыншысының бірі Кентен Галиді жеңу үшін төрт сет ойнауға мәжбүр болды. Қалған қарсыластарын үш сетте сенімді түрде ұтты.
Ширек финалда Зверев 19 жастағы Рафаэль Жодарды 7:6 (7:3), 6:1, 6:3 есебімен жеңді. Неміс спортшысы сәуір айынан бері топырақтағы корттарда өнер көрсетіп келеді. Бірнеше турнирде титулға жақын болғанымен, шешуші сәттерде мүмкіндік жіберіп алған еді. Бірақ Ролан Гаррос алдында өз қателіктерімен жақсы жұмыс істеді. Парижде Зверев сервис кезінде ұпайларды оңай жинап, қорғаныста және артқы сызықтағы ойында жоғары деңгей көрсетуде.
Сенсация бола ма?
Olimpbet сарапшыларының болжамынша, Ролан Гарростың алғашқы финалисі Александр Зверев болады. Оның үстіне неміс теннисшісі қарсыласына бірде-бір сет бермеуі мүмкін.
Маттео Арнальди (Италия) – Флавио Коболли (Италия) Ролан Гаррос. Жартылай финал. 5 маусым, 22:00
Ролан Гарростың тағы бір тосынсыйы – екінші жартылай финалдағы италиялық текетірес. Оның үстіне бұл жолы Янник Синнерсіз. Olimpbet сарапшылары рейтингте қарсыласынан 90 орын жоғары тұрған Флавио Коболлидің жеңісіне көбірек сенім артады.
Сенсациялық камбэк: Арнальди қайта оралуда
Бір кездері Маттео Арнальди әлемнің үздік 30 теннисшісінің қатарында болған. Алайда кейін тіпті алғашқы жүздіктен де шығып қалды. Қазір 25 жастағы италиялық ATP рейтингінде 104-орында тұр. Бірақ Париждегі өнері арқылы бұрынғы деңгейіне қайта оралғысы келетінін көрсетті.
Маусым басы Арнальди үшін сәтсіз басталған еді. Ол ATP турнирлерінде көбіне алғашқы айналымнан аса алмай жүрді. Сондықтан оның Ролан Гарроста жартылай финалға шығуын ешкім күткен жоқ. Ширек финалда оған сәттілік те серік болды. Қарсыласы әрі отандасы Маттео Берреттини алғашқы сетті ұтып (7:5), екінші сетте де алда келе жатқанда (5:2) жарақатына байланысты матчты жалғастыра алмады.
Коболли әлемнің үздік ондығына жақын
24 жастағы Флавио Коболли қазір ATP рейтингінде 14-орында тұр. Бірақ Ролан Гарростағы табысының арқасында келесі аптада алғаш рет әлемнің үздік он теннисшісінің қатарына енбек. Ширек финалда ол мансабында алғаш рет "Үлкен дулыға" турнирінде әлемнің үздік ондығындағы ойыншыны жеңді. Әлемнің алтыншы ракеткасы Феликс Оже-Альяссим төрт сетте жеңілді – 6:4, 4:6, 4:6, 4:6.
Флавио Италияның екінші ракеткасы саналады. Ол биыл топырақтағы корттарда жақсы өнер көрсетіп, сәуір айында Мюнхендегі турнирдің финалына дейін жеткен болатын.
Италиядан финалда кім ойнайды?
Бұл екі теннисшінің рейтингтері ғана емес, турнирдегі жолдары да әртүрлі болды. Арнальди тек соңғы матчында ғана тай-брейксіз ойнады, оның өзі қарсыласының матчтан бас тартуына байланысты. Ал бұған дейінгі барлық кездесулері төрт немесе бес сетке созылған.
Olimpbet сарапшыларының пікірінше, бұл жартылай финалда жеңіс Флавио Коболлиге бұйырады. Себебі ол физикалық тұрғыдан қарсыласынан әлдеқайда тың. Сонымен қатар матчтың жалпы ұзақтығы 38 геймнен аз болады деп болжануда.