"Бірінші гол" youtube-арнасында жаңа жоба! Алғашқы шығарылымның қонақтары - танымал бапкер Елдос Ахметов пен белгілі комментатор Ерсін Ерік.
Жаңа маусымның ең көңілді әрі шынайы спорттық жобасы — PS Шоу! көрермендерге жол тартты. Алғашқы эпизодта студияда нағыз “Эль Классико” өтті: комментатор Ерсін Ерік пен Қазақстан құрамасының бапкер көмекшісі Елдос Ахметов бір-бірімен FIFA алаңында күш сынасты.
Бәрі Fonteam студиясындағы қалжыңнан басталған. Ерсін мен Елдос әлеуметтік желідегі әзіл-қалжыңды нақты ойынға айналдырып, өзара «жекпе-жекке» шақырған еді. Бірақ бұл жолы шаршы алаңда емес, геймпадтың көмегімен — PlayStation алаңында шешті.
Ойын — нағыз драма! Ерсін алғашқы минуттардан-ақ ашық шабуыл жасап, жеңіс дәмін сезініп те үлгерді. Бірақ бәрі бір сәтте өзгеріп шыға келді.
Шоу барысында студиядағы әңгіме тек футболмен шектелмеді. Қонақтар бапкерлік өмірдің қызығы мен қиындығын, ұлттық құраманың ішкі ахуалын және жеке өмірдегі қызықты жайттарды бөлісті.
