"Қайратты" жаттықтыруға лайық бапкердің есімі белгілі болды

"Қайрат" үш ойында қатарынан ұтылып, бапкер мәселесі күн тәртібіне шықты

Алматылық "Қайраттың" соңғы ойындарындағы нәтижелері жанкүйерлер мен клуб басшылығын алаңдатып отыр. Команда алдымен Қазақстан кубогынан шығып қалды. Одан кейін Премьер-лигада қатарынан екі рет жеңіліп, турнир кестесінде төмен сырғыды. "Елімайдан" 0:1, ал "Оқжетпестен" 1:2 есебімен ұтылған соң, қазіргі бапкер Рафаэль Оразбахтиннің болашағы бұлыңғыр күйде. 

Қайрат Нұрдәулетов — негізгі үміткерлердің бірі

Қазір клуб тізгінін ұстайтын жаңа маман іздестіріліп жатыр. Бұл тізімде 42 жастағы Қайрат Нұрдәулетовтың есімі алдыңғы қатарда аталып жүр. Ол — алматылық футболдың түлегі және "Қайрат" клубының тарихымен етене таныс тұлға.

Нұрдәулетовтың тәжірибесі мен жетістіктері

Футболшы ретінде Нұрдәулетов "Қайраттың" намысын қорғап, командамен бірге ел чемпионатының қола жүлдегері атанған. Спорттық мансабын аяқтаған соң, ол түрлі жаттықтырушы қызметтерін атқарды:

• Қазақстан Ұлттық құрамасының бапкерлік штабының мүшесі болды;
• Қазақстан футбол федерациясында құрамалар департаментінің директоры қызметін атқарды;
• U-21 жастар құрамасын жаттықтырды;
• "Мақтаарал", "Жетісу" және "Ертіс" клубтарында бас бапкер ретінде еңбек етті.