Қазақстан Премьер-лигасының көшін бастап тұрған "Ақтөбе" аутсайдер саналатын "Жетісудан" айласын асыра алмады.
Талдықорғанда өткен кездесудің бірінші бөлігінде "Ақтөбе" шабуылды сәтті бастап, 40-минутта Габи Кикидің соққысымен есеп ашты. Бұл гол ойын тағдырын шешкендей көрінгенімен екінші тайм бәрін өзгертіп жіберді.
49-минутта Ахмедовтың пасын пайдаланған Ринат Серікқұл таразы басын теңестірді. Одан кейін "Ақтөбе" қайтадан басымдық орнатуға тырысқанымен нәтиже болмады. Керісінше 87-минутта Максим Житневтың голы алаң иелеріне үш ұпай сыйлады.
"Ақтөбе" осы жеңістен кейін де 25 ұпаймен бірінші орнын сақтап қалды. Бірақ басты бәсекелестерінің оларды қуып жету мүмкіндігі арта түсті. Ал "Жетісу" 8 ұпаймен 10-орында орналасты.
