"Қайрат" дағдарыс кезеңіне тап болып, үш матч қатарынан жеңіліп отыр. Жазда басталатын еурокубоктық маусым алдында клуб жетекшілігі жаттықтырушылар құрамын жаңартуды жоспарлап отыр.
"Қайраттың" бас бапкері қызметіне үміткерлердің бірі — 48 жастағы португалиялық Педру Резенде. Ол негізінен Люксембург чемпионатындағы табысты қызметімен танымал.
Резенденің мансап жолы:
Ең ірі жетістігі — "Дифферданж 03" клубымен екі маусым қатарынан ел чемпионы атануы.
Қазіргі кезде Резенденің келісімшарты аяқталуға жақын және инсайдер ақпаратына сәйкес ол клубпен жаңа келісімшартқа қол қоюды жоспарлап отырған жоқ. Осы орайда Қазақстан чемпионы атанған "Қайратқа" ауысуы мүмкін.
Айта кетейік, 2024 жылдың жазында Резенде жаттықтырған "Дифферданж" УЕФА Конференция Лигасының екінші іріктеу кезеңінде "Ордабасымен" жолыққан.
Бірінші ойында люксембургтік клуб 1:0 есебімен жеңген. Ал қарымта кездесуде 3:4 есебімен жеңіліп, пенальти сериясында жарыстан шығып қалды.
"Дифферданждағы" үздік шабуылшы болған 27 жастағы португалиялық Жоржиньо биылғы маусымнан бастап "Қайраттың" намысын қорғап жүр. ҚПЛ-да 11 матчта 4 гол, 7 ассист жасап үлгерген.
Бұл байланыс Педру Резенденің Алматы клубына келу ықтималдығын күшейтіп отыр.
