"Челси" Конференция лигасының финалында испаниялық "Реал Бетисті" жеңіп, жаңа еурокубокты алғаш рет иеленді. Бұл жеңіс команда тарихындағы маңызды бетбұрыс ретінде бағаланса да, клубтың қазынасына түскен қаржы аса қомақты емес.
Спорт журналисі Лукаш Бонцек таратқан мәліметке сүйенсек, "Челси" Конференция лигасы барысында небәрі 22 миллион еуро көлемінде сыйақы алған. Бұл сома Чемпиондар лигасы немесе Еуропа лигасымен салыстырғанда едәуір төмен.
Салыстыру үшін: Чемпиондар лигасындағы жеңіс клубтарға 100 миллион еуродан астам табыс әкелуі мүмкін.
"Челси" секілді трансферлік бюджеті орасан зор клуб үшін бұл қаражат аса маңызды емес. Командаға мұндай табыс – тек символикалық маңызға ие бонус қана.
Финалдағы жеңіс клубтың имидждік капиталын айтарлықтай күшейтті. "Челси" осылайша төрт түрлі еурокубокты жеңіп алған алғашқы команда ретінде тарихта қалды. Бұл жетістік жаңа бапкер Энцо Мареска үшін маңызды моральдық және тактикалық жетістік болды.
"Бұл трофей – ұжымымыздың жаңа деңгейге көтерілу жолындағы үлкен қадам. Қаржы емес, команданың бірігуі мен рухы біз үшін ең бастысы", – деді ол.
