Семейлік "Елімай" бен қостанайлық "Тобыл" арасындағы Премьер-лиганың 15-турындағы ойын көрермендерге шынайы эмоция сыйлады. Бұл тек футбол емес, нағыз драма, нағыз триллер болды.
Бірінші таймдағы ойын барысын қостанайлықтар толық бақылауда ұстады. Қонақтар сапынан Марко Вукчевич 13-минутта, ал Ахмед Эль-Мессауди 45-минутта қақпаны дәл көздеді.
Екінші таймның басында Серікжан Мужиков пенальтиден гол соға алмады — доп қақпадан қиыс кетті. Алайда Роман Муртазаев (59’) пен Иван Свиридов (63’) таразы басын теңестіріп, стадионды дүр сілкіндірді.
Бірақ Ислам Чесноковтың 70-минуттағы голы "Тобылға" жеңіс сыйлады — 2:3.
