Бүгін Чемпиондар лигасының алғашқы іріктеу кезеңінде алматылық «Қайрат» словениялық «Олимпияға» қонаққа барады.
Бүгін Алматының «Қайрат» футбол клубы Чемпиондар лигасының алғашқы іріктеу кезеңіндегі жорығын бастайды.
Кездесу Словения астанасы Люблянада жергілікті «Олимпия» командасына қарсы өтеді. Бұл матчқа жасанды интеллект – ChatGPT өз болжамын ұсынды.
«Бірінші ойында «Олимпияның» жеңіске жету мүмкіндігі жоғары. Есеп 1:0 немесе 2:1 болуы мүмкін. «Қайраттың» гол соғу ықтималдығы бар. Егер командалар ашық әрі шабуылдаушы футбол көрсетсе, екі команда да гол соғуы ғажап емес. Дегенмен, нәтижелілік төмен болады деп күтілуде», – дейді жүйе.
«Олимпия» – «Қайрат» кездесуі бүгін, 8 шілде күні Астана уақытымен 22:00-де басталады. Ойынның тікелей трансляциясын «Qazsport» арнасынан тамашалай аласыз.
Екі команда арасындағы қарымта кездесу 15 шілдеде Алматыдағы Орталық стадионда өтеді. Ойынның басталу уақыты – 20:00.
Айта кетейік, «Қайрат» Қазақстан чемпионатында үздік үштікке еніп отыр. Ал «Олимпия» – Словенияның чемпиондық атағына үміткер тұрақты ұжымдардың бірі.
