"Интер Майами" шабуылшысы Лионель Месси Амери MLS чемпионатында үздіктер қатарына қайта шықты. 38 жастағы аргентиналық супержұлдыз "Нэшвиллге" қарсы дубль жасап, маусымдағы 16-голын тіркеді.
Осылайша Лионель Месси сұрмергендер тізімінде алғашқы орынға шықты. Ол 16 гол соққан "Нэшвилл" ойыншысы Сэм Сарриджді қуып жетті. Алайда статистикаға үңілсек, аргентиналық футболшы бұл нәтижеге бар-жоғы 16 матчта қол жеткізсе, британдық шабуылшы 22 ойын өткізген. Айта кетейік, Сарридждің бес голы пенальтиден соғылса, Мессидің барлық доптары ашық ойын сәтінде енген.
Сұрмергендер рейтингінде үшінші орынды израильдік шабуылшы Тай Барибо ("Филадельфия Юнион") мен бразилиялық Эвандер Феррейра ("Цинциннати") бөлісіп тұр. Екеуінің де еншісінде — 13 голдан.
Лионель Месси "Интер Майами" сапында 2023 жылдан бері өнер көрсетіп келеді. Клубпен жасасқан келісімшарт 2025 жылға дейін жарамды. Осы уақыт аралығында ол МЛС-тің басты тұлғасына айналып үлгерді.
