«Манчестер Юнайтед» тәжірибелі ағылшын шабуылшысы Джейми Вардиге қызығушылық танытып отыр. The Athletic деректеріне сүйенсек, 38 жастағы футболшыны клубқа тегін алып келу ұсынысы жасалған.
Қазір «Лестер Сити» сапында ойнап жүрген Варди Премьер-лиганың соңғы маусымында жоғары деңгейде өнер көрсетті. Ол 2023/24 жылғы маусымда Рамус Хёйлунд (МЮ) пен Джошуа Зиркзе («Болонья») бірге қосқан нәтижесінен артық гол соққан. Бұл статистика клуб басшылығының назарын аудартқаны анық.
«Қызыл сойқандар» Вардиді Расмус Хёйлуннның орнына негізгі үміткер ретінде қарастыруда. Айта кетейік, даниялық шабуылшы бұл жазғы трансферлік терезеде команданы тастап кетуі мүмкін. Джейми Варди «Лестер Сити» сапында 2012 жылдан бері ойнады. Англия Премьер-лигасында ол 342 матч өткізіп, 145 гол және 50 нәтижелі пас авторы атанды.
Вардидің келісімшарты аяқталуға жақын және ол еркін агент ретінде «Олд Траффордқа» келуі мүмкін. Бұл — клубқа қаржылық тұрғыдан тиімді шешім болмақ. Әсіресе, шабуыл шебінде тәжірибелі, алаңда сенімді әрекет ететін футболшыға деген сұраныс артып тұрған тұста.
«Манчестер Юнайтед» жаңа маусым қарсаңында құрамды толықтыруды жалғастыруда. Джейми Варди сынды тәжірибелі ойыншыны тегін трансфер арқылы қосу — қысқа мерзімді, бірақ тиімді шешім болуы мүмкін. Бұл жаңалыққа байланысты клубтан ресми мәлімдеме түскен жоқ.
