«Реал» мен Винисиус Жуниор арасындағы келісімшарт дауы ушығып барады. Жалақыға байланысты келіспеушілік пен ойыншының мінез-құлқы мадридтік клубты шабуылшыны трансферге шығаруға итермелеуі мүмкін.
Мадридтік «Реал» клубы мен шабуылшы Винисиус Жуниор арасындағы жаңа келісімшартқа байланысты келіссөздер тығырыққа тірелді. Келісім ұзартылмаса, клуб ойыншыны трансферге шығаруы мүмкін.
Испаниялық ақпарат көздеріне сүйенсек, Винисиус жаңа келісімшарт аясында жалақысын Бразилия клубтарынан түскен ұсыныстардан да жоғары деңгейде алғысы келеді. Бұл талап мадридтік клуб басшылығының көңілінен шықпай отыр.
«Реал» басшылығы тек қаржылық талаптарға ғана емес, Винисиустың мінез-құлқы мен тәртібіне де алаңдаулы. Осы себепті, клуб онымен қоштасуға дайын екені айтылып жатыр.
Егер келіссөздер оң нәтиже бермесе, мадридтік гранд шабуылшыны сатылымға шығармақ екен.
