Өткен маусымда Италия чемпионатында жарқ еткен шабуылшы Матео Ретеги мансабындағы жаңа кезеңге қадам басты. Ол Сауд Арабиясы Премьер-лигасында ойнайтын "Аль-Кадисия" клубына ауысты.
Ретеги 2024/25 маусымында А сериясында 23 гол соғып, үздік сұрмерген атанған. Оның ойын мәнері мен физикалық дайындығы Саудиялық клубтардың назарын аудартты. Нәтижесінде "Аль-Кадисия" шабуыл шебін нығайту үшін ірі сома жұмсауға дайын болды.
Трансфер туралы ресми ақпаратты инсайдер Фабрицио Романо хабарлады:
"Матео Ретеги Сауд Арабиясына ауысты. "Аль-Кадисия" мен "Аталанта" арасында келісімге қол қойылды. Құны – 65 миллион еуро", – деп жазды ол әлеуметтік желіде.
Сауд клубтары соңғы жылдары Еуропаның белді ойыншыларын өз чемпионатына тартуды жалғастыруда. Ретегидің бұл шешімі де — қаржылай тиімді әрі мансаптық жаңа мүмкіндікке толы трансфер ретінде бағалануда.
