АҚШ-тың әйгілі футбол клубы "Орландо Прайд" Мексика құрамасының шабуылшысы Лизбет Овальені қатарға қосты.
Клубтың ресми ақпаратына сәйкес, трансфер құны 1,5 миллион АҚШ доллар болды. Бұл – әйелдер футболы тарихындағы ең қымбат келісім. Овальемен жасалған келісімшарт екі маусымға есептелген.
25 жастағы футболшы бұған дейін Мексиканың ең табысты клубтарының бірі – “Тигрес” сапында өнер көрсетті. Ұлттық құрамада Овалье 81 матчта 20 гол соғып, командасының негізгі ойыншыларының біріне айналды.
Айта кетсек, бұған дейінгі ең қымбат трансфер биылғы жазда тіркелген еді. Ол кезде канадалық шабуылшы Оливия Смит “Ливерпульден” “Арсеналға” 1 миллион фунт стерлингке ауысқан болатын.
