Үлгі тұтатын ойыншысы — «Барселонаның» жұлдызы.
Қазақстан құрамасы мен «Қайраттың» жас шабуылшысы Дастан Сәтпаев футболдағы үлгі тұтатын ойыншысын атады.
Сәтпаевтың айтуынша, қазіргі таңда ол испандық жас жұлдыз Ламин Ямальды сүйікті футболшысы санайды.
«Менің сүйікті футболшым қазіргі таңда — Ламин Ямаль. Болашақта онымен күш сынасқым келеді. Егер бәрі ойдағыдай болып, 18 жасымда «Челсиге» ауысатын болсам, онда онымен бәсекелесетін күн туады», – деді Сәтпаев Нобель Арустамянға берген сұхбатында.
Жас форвард қазірдің өзінде Қазақстан футболының басты үмітіне айналды. Ол Еуропадағы беделді клубтардың назарында жүр. Алдағы жылы «Челси» сапына қосылады.
