Әли Әлиев отставкаға кетті (ВИДЕО)

«Бұл – менің кінәм»

Әлиев Брюссельде өткен матчтан кейінгі баспасөз мәслихатында отставкаға кететінін ресми түрде мәлімдеді:

«Бәріне мен жауаптымын. Бұл жеңіліс – менің кінәм. Оны толық өз мойныма аламын. Елге оралған соң бірден президентке хабарлап, өтінішімді жазып тапсырамын», – деді ол.

Сәтсіз іріктеу кезеңі

Қазақстан құрамасы Әли Әлиевтің жетекшілігімен іріктеудің бес ойынында бар болғаны үш ұпай жинай алды.

Жеңілістер: Бельгия (0:6), Уэльс (1:3, 0:1), Солтүстік Македония (0:1).

Жеңіс: топтағы басты аутсайдер Лихтенштейнге қарсы (2:0).

Әли Әлиев – Қазақстан құрамасының 22-бас бапкері

Ұлттық құраманы әр жылдары 22 маман басқарған. 

44 жастағы отандық маман Әли Әлиев Қазақстан ұлттық футбол құрамасының тарихындағы 22-бас бапкер болған. 

Тарихқа шолу

Қазақстан құрамасын әр жылдары 12 қазақстандық және 10 шетелдік бапкер басқарған.

Ең ұзақ жұмыс істеген маман – чехиялық Мирослав Беранек, ол құраманы 2 жыл 8 ай жаттықтырды.

Ең қысқа мерзімде еңбек еткен – Владимир Фомичев. Бар болғаны бір матч. 

Ең көп ойын өткізген бапкерлер

1. Арно Пайперс (Нидерланд) – 36 матч (2006–2008)
2. Мирослав Беранек (Чехия) – 24 матч (2011–2013)
3. Магомед Адиев (Ресей) – 21 матч (2022–2024)
4. Серік Бердалин – 20 матч (1995–1997)
5. Михал Билек (Чехия) – 18 матч (2019–2020)

Ең үздік нәтижелер көрсеткендер

Ұлттық құрама бапкерлерінің табыстылығын жинаған ұпай пайызы арқылы бағалағанда көшбасшылар мынадай:

1. Бақтияр Байсеитов – 71,4%
2. Вахид Масудов – 59,3%
3. Воит Талғаев – 55,6%
4. Магомед Адиев (Ресей) – 54,0%
5. Андрей Карпович – 50,0%