«Ақтөбе» ФК жартылай қорғаушысы Еркебұлан Сейдахмет туған клубы «Тараздың» қазіргі жағдайы туралы ойын айтты.
«Өкінішке қарай, қазір «Тараз» Бірінші лигада ойнап жүр. Бұл клубтан әрдайым дарынды футболшылар шыққан.
Үмітім бар — жақсы басшылық пен демеушілер табылып, команда қайтадан жоғары деңгейге көтеріліп, Еурокубок жолдамасы үшін күреседі деп сенемін», — деді Сейдахмет.
«Ақтөбе» сапында чемпион атанған соң, «Таразға» көмектескім келеді. Егер туған жердің жігіттері — бауырлар, ағаларымыз — бас қосып, клубты қайта аяғына тұрғызса, бұл жанкүйерлерге үлкен қуаныш болар еді», — деп атап өтті ол.
Еркебұлан Сейдахмет — тараздық футбол мектебінің түлегі. 2017 жылы «Тараздың» негізгі құрамында 15 матч өткізіп, кәсіби мансабын дәл осы клубта бастаған.
