Қазақстан жасөспірімдер құрамасы мен алматылық «Қайраттың» жартылай қорғаушысы Азамат Тұяқбаевқа Нидерландтың әйгілі ПСВ «Эйндховен» клубы қызығушылық танытты.
Эйндховен клубының скауттары 18 жастағы хавбекті Нидерландыда өткен ресми матчтарда бақылаған.
Қазақстан U-19 құрамасы 2026 жылғы Еуропа чемпионатының іріктеу кезеңінің негізгі раундын сол елде өткізді. Біздің жасөспірімдер үш матч ойнады:
Осы кездесулерде Тұяқбаевтың ойыны голдар мен өткір пастарымен ерекшеленіп, еуропалық скауттардың көзіне түсті.
ПСВ өкілдері Азаматты тек ұлттық құрама қатарында емес, клуб деңгейінде де бақылап көрді.
Олар Копенгагенге арнайы келіп, юниорлық УЕФА Чемпиондар лигасы аясында өткен матчты тамашалады. Онда «Қайрат» жастар командасы жергілікті «Копенгагенге» қарсы ойнап, кездесу 2:2 есебімен аяқталды.
Осы матчтар сериясында Азамат Туяқбаев бір гол соғып, екі нәтижелі пас берді.
Еске сала кетсек, ПСВ клубы Еуропа футболындағы ең беделді турнир – чемпиондар кубогын (қазіргі Чемпиондар лигасы) 1988 жылы жеңіп алған.
Нидерланд клубы – Азаматқа қызығушылық танытқан жалғыз команда емес. Бұған дейін 18 жастағы футболшыға Германияның «РБ Лейпциг», «Боруссия Мёнхенгладбах», Англияның «Ковентри Сити» клубтары назар аударып отырғаны хабарланған.
Бұл командалардың скауттары да оның ойынын бақылап, дамуына ерекше мән беріп жүр.
Азамат үшін 2025 жылғы маусым ерекше есте қаларлық болды. Ол:
