"Тобыл" ресейлік ойыншыны құрамына қоспақ

Қостанайдың "Тобыл" клубының осы трансферлік терезедегі соңғы жаңалығы ресейлік футболшы Кирилл Глушенков болмақ, деп хабарлайды AmanVIBE.

Ойыншының мансабы жайлы

26 жастағы қорғаушы — мәскеулік "Динамоның" түлегі. Ол мансабы барысында "Факел", "Пари Нижний Новгород" клубтарында, сондай-ақ Беларусьтің "Ислочь" және "Торпедо-БелАЗ" командаларында өнер көрсеткен.

Глушенковпен келісімшарт жасалғаннан кейін қостанайлықтар жаңа маусым қарсаңында құрамды жасақтау жұмысын толық аяқтайды деп күтілуде.

Еске салайық, Қазақстан Премьер-Лигасының жаңа маусымындағы алғашқы турда "Тобыл" сырт алаңда "Ақтөбемен" кездеседі.