Сонымен қатар, Борис Подкорытов "Жетісу", "Астана" мен "Қайнар" клубтарында да қызмет атқарды.
Белгілі қырғызстандық маман, Қазақстан футболымен жақын таныс Борис Подкорытов 78 жасында дүниеден өтті.
Борис Подкорытов Қазақстан чемпионатында бірнеше клубта еңбек етті.
1993 жылы ол талдықорғандық "Қайнар" клубының бас бапкері ретінде команданы Қазақстан чемпионатының Жоғары лигасына шығарды. Келесі маусымда клуб элиталық дивизионда алтыншы орын иеленді.
Кейін маман "Астана" клубында жұмыс істеді. Сондай-ақ ол Қазақстан ұлттық құрамасының жаттықтырушылар штабында қызмет атқарып, Серік Бердалинге көмекші болды. Сол кезеңде құраманың жұмысына белгілі бапкер Құрбан Бердыев те қатысқан.
2005 жылы Подкорытов тағы да Қазақстан чемпионатына оралып, "Жетісу" клубының бас бапкері қызметін атқарды. Алайда денсаулығына байланысты бұл қызметте ұзақ жұмыс істей алмады.
Қазақстандағы кезеңнен кейін Борис Подкорытов мансабын туған елінде жалғастырды:
Айта кетейік, Борис Подкорытов ұзақ жылдық бапкерлік мансабында бірнеше рет Қырғызстанның жылдың үздік бапкері атанып, аймақ футболындағы беделді мамандардың бірі ретінде танылды.
