Қазақстандық танымал маман Владимир Чебурин "Атыраудың" бас бапкері болуға жақын.
AmanVIBE мәліметінше, 60 жастағы Чебурин “Атыраумен” екі жылдық келісімшартқа қол қоюы ықтимал. Сонымен бірге ол Қазақстанның U-21 жастар құрамасындағы қызметін қатар алып жүруі мүмкін. Алайда соңғы күндері жарияланған ақпараттарда Чебуриннің “Атырауға” келуі жөнінде келіссөз жүріп жатқаны, ал құжаттың нақты рәсімделуі туралы ресми мәлімдеме әлі берілмегені де көрсетіледі.
Еске салайық, бұған дейін “Атыраудың” тізгінін ұстаған белоруссиялық маман Виталий Жуковский клубтан кететінін мәлімдеген. Тараптар келісімшартты тоқтату бойынша ортақ шешімге келген.
Владимир Чебурин 2021–2025 жылдары Литваның “Жальгирисін” басқарды. Сол кезеңде команда бірнеше мәрте ел чемпионы атанып, кубоктық трофейлер жинады және 2022 жылы клуб тарихында алғаш рет еурокубоктардың топтық кезеңіне шықты.
